Главная / Кэпсээннэр / 🌿 КЫЫЛ ТИМИРБИТ ТҮРҮЛҮӨНЭ 🌿
Добавить комментарий
Сэмэн Слепцов - Тумат Уола.
…Уһук Хотугу сир күһүҥҥү ытыс таһынар хараҥа түүнэ саба бүрүүкээн турар. Бытааннык устар былыт быыһынан саҥа төрөөн эрэр эдэр ый сүтэ - сүтэ көстөн ааһар. Уһун синньигэс тииттэр күнүскү күүстээх тыал сабыта охсоруттан сылайбыттыы лабааларын намылытан тыаһа - ууһа суох иһийэн тураллар. Арай халлааҥҥа харбаспыт үрдүк хайалар быыстарынан эрийэ - буруйа сүүрэр үрүйэлэртэн саҕаланар дохсун сүүрүктээх Чондоон үрэх уута харгыга охсуллан биир кэм чурулуур - чарылыыр. Эмискэ эргийэ көтөр чугастааҕы тоҕойтон аҕыйах бэрэбинэттэн таҥыллан оҥоһуллубут кыракый болуот үрэх сүнньүн тутуһан доллойо устан таҕыста." Хайа,бу тугуй,туох харааран иһэрий?“диэбиттии, соһуйбут түүҥҥү чыычаахтар талахтар быыстарынан көтөн тилигирээтилэр. Ону истэн буоллаҕа,устан иһэр болуоттан бар түү бытыктаах,арбаҕар баттахтаах төбө өндөйөн көрөн баран,киһи дьиксинэрэ суоҕун билэн хат сытан хараҥаҕа сүттэ. Бу кыайан утуйбакка хараҥа түүнү харахтанан сытар киһини ханна барабыт,хайдах буолабыт,иннибитигэр туох күүтэрий диэн хараастыылаах санаа - оноо үүйэ - хаайа тутар. Кини эмиэ көннөрү киһи курдук күүскэ таптыыр кэргэннээх уонна кыра оҕолоох этэ. Дьон - сэргэ сиэринэн улахан кыһалҕаны билбэккэ дьоллоохтук - соргулаахтык олорбуттара,киһи тэҥинэн үлэлээн - хамсаан сылдьыбыттара. Ону баара,олох обургу очуругар оҕустаран,быстах ыгым санааҕа баһыйтаран ыарахан буруйу оҥорон,күлүүстээх хаайыыга,түүннүуктээх түрмэҕэ түбэспитэ.
( салгыыта бэчээттэниэ).
ВЛАДИЛЕН.
Содержание
Сэмэн Слепцов - Тумат Уола.
СЭҺЭН.
1 ЧААҺА.
…Уһук Хотугу сир күһүҥҥү ытыс таһынар хараҥа түүнэ саба бүрүүкээн турар. Бытааннык устар былыт быыһынан саҥа төрөөн эрэр эдэр ый сүтэ - сүтэ көстөн ааһар. Уһун синньигэс тииттэр күнүскү күүстээх тыал сабыта охсоруттан сылайбыттыы лабааларын намылытан тыаһа - ууһа суох иһийэн тураллар. Арай халлааҥҥа харбаспыт үрдүк хайалар быыстарынан эрийэ - буруйа сүүрэр үрүйэлэртэн саҕаланар дохсун сүүрүктээх Чондоон үрэх уута харгыга охсуллан биир кэм чурулуур - чарылыыр.
Эмискэ эргийэ көтөр чугастааҕы тоҕойтон аҕыйах бэрэбинэттэн таҥыллан оҥоһуллубут кыракый болуот үрэх сүнньүн тутуһан доллойо устан таҕыста." Хайа,бу тугуй,туох харааран иһэрий?“диэбиттии, соһуйбут түүҥҥү чыычаахтар талахтар быыстарынан көтөн тилигирээтилэр. Ону истэн буоллаҕа,устан иһэр болуоттан бар түү бытыктаах,арбаҕар баттахтаах төбө өндөйөн көрөн баран,киһи дьиксинэрэ суоҕун билэн хат сытан хараҥаҕа сүттэ.
Бу кыайан утуйбакка хараҥа түүнү харахтанан сытар киһини ханна барабыт,хайдах буолабыт,иннибитигэр туох күүтэрий диэн хараастыылаах санаа - оноо үүйэ - хаайа тутар. Кини эмиэ көннөрү киһи курдук күүскэ таптыыр кэргэннээх уонна кыра оҕолоох этэ. Дьон - сэргэ сиэринэн улахан кыһалҕаны билбэккэ дьоллоохтук - соргулаахтык олорбуттара,киһи тэҥинэн үлэлээн - хамсаан сылдьыбыттара. Ону баара,олох обургу очуругар оҕустаран,быстах ыгым санааҕа баһыйтаран ыарахан буруйу оҥорон,күлүүстээх хаайыыга,түүннүуктээх түрмэҕэ түбэспитэ.
( салгыыта бэчээттэниэ).
ВЛАДИЛЕН.