Содержание

• Аудиота

1 чааһа

Айхал уол бүгүн 11 сааһын туолла. Доҕотторун, группатын оҕолорун, баспытааталларын кытта кыратык бэлиэтээтилэр. Доҕотторо Айхалга бэйэлэрэ ойуулаабыт открытка , аҕыйах устуука кэмпиэт бэлэхтээтилэр. Баспытааталлар уолчааҥҥа сабыс саҥа кыһыл өҥнөөх футболканы биэрдилэр. Айхал бэлэхтэртэн ибили үөрбүтэ.
Айхал - детдом иитиллээччитэ. Бэйэтин билиэҕиттэн куруук манна олорор. Төрөппүттэрин манныктар диэн өйдөөбөт даҕаны. Дьиҥэ төрөппүт ийэтэ баара , ол да буоллар Айхал кини туһунан тугу да билбэтэ, ийэтэ эмиэ уолун туһунан саныан да баҕарбата.
Айхал кэнниги кэмҥэ түннүк таһыгар олорон куорат уулуссатын көрөр буолла. Кини ити аата иитэ ылыах буолбут дьонун күүтэрэ. Айхалы ый анараа өттүгэр биир дьиэ кэргэн иитэ ыларга санаммыта. Сүөдэр уонна Өрүүнэ бэйэлэрин оҕолоро суоҕа ол иһин оҕону иитэ ылыахтарын баҕарбыттара. Сүөдэр оскуолаҕа остуораһынан үлэлиирэ. Өрүүнэ буолла дьиэтин уотун көрөрө.
Нөҥүө күнүгэр сарсыарда Айхалы баспытаатала уһугуннарда

• Айхал, уһугун эйиэхэ кэллилэр
  Айхал ону истээт сонно орунуттан туран баран көрүдүөргэ сүүрдэ. Көрүдүөргэ Өрүүнэ турара. Айхал кинини көрөөт үөрэ түстэ
• Айхал, ааспыт төрөөбүт күҥҥүнэн. Хайдах олороҕун? Биһиги докумуоннары оҥоро сылдьабыт сотору биһиэхэ көһөн барыаҥ
• Барыта үчүгэй. Төрөөбүт күммэр баспытааталлар саҥа футболканы бэлэхтээбиттэрэ, оҕолор открытканы.
• Чэ, аныгыскыга кэллэххипитинэ эйиигин дьиэбитигэр ылыахпыт. Күүтээр ду? - диэт Өрүүнэ Айхалы иэдэһигэр уураан ылла уонна илиитинэн далбаатаан баран тахсан барда.

Ити кэннэ биир нэдиэлэ ааспыта. Айхал күн ахсын түннүк таһыгар олорон Өрүүнэлээх Сүөдэри күүтэрэ. Биирдэ оннук олордоҕуна, эмискэ такси массыыната кэлэн тохтоото уонна онтон Сүөдэрдээх Өрүүнэ тахсан кэллилэр. Айхал сонно туран кэлээт аан диэки сүүрдэ.

• Айхал, привет доҕоор - диэбитинэн Өрүүнэлээх Сүөдэр киирэн кэллилэр. Иккиэн уолчааны кууһаан ылаат:
• Малгын хомунаар, билигин биһиэхэ көһөн бараҕын - диэтилэр. Айхал үөрүүтэ муҥура суох этэ. Түбүс түргэнник хоһугар сүүрэн бараат, кыракый суумкатыгар малын хомунан барда. Ол кэмҥэ Сүөдэрдээх Өрүүнэ Айхал баспытааталларын кытта кэпсэппиттэрэ.
  Айхал малын хомунаат Өрүүнэлээх, Сүөдэргэ сүүрэн кэллэ. Саҥа ийэлээх, аҕата оҕолорун илиититтэн сиэтэн ылаат, тахсан бардылар. Баспытааталлар кэннилэриттэн “Айхал хата үчүгэй дьиэ кэргэҥҥэ түбэстэ” дии хаалбыттара.

Ол кэмҥэ, Айхал иитиэх төрөппүттэрин кытта саҥа дьиэтигэр айаннаан тиийбитэ. Саҥа тутуллубут алта этээстээх дьиэҕэ, Сүөдэр Өрүүнэни кытта үһүс этээскэ олороллор эбит. Кыбартыыралара сып-сырдык, ып-ыраас. Айхалга диэн туспа хоһу оҥорбуттар эбит. Хоско элбэх баҕайы сымнаҕас оонньуурдар, конструктор арааһа баар эбит.

• Чэ, аны бу күнтэн ыла биһигини кытта бу дьиэҕэ олороҕун - диэт Сүөдэр Айхалы иэдэһигэр уураан ылла.

Аудиота